Fran Amil é un dos referentes da música galega pop e rock. O seu proxecto “Popsía” ten unha estraordinaria acollida nos recitais e nas charlas concerto celebradas nos institutos, onde a xuventude atopa unha identificación moderna con textos clásicos da lírica galega de todos os tempos, nun achegamento inédito á sensibilidade do século XXI: rimas de sempre a ritmos actuais e bailabeis.
Fran Amil lidera tamén o proxecto Amilicia Bravú, que rende unha homenaxe a ese movemento nacido nos anos 90 do pasado século, e que en 2024 cumple trinta anos. Unha arroutada musical que cambiou o rock galego para sempre.
No catálogo atoparán, de certo, o formato que máis se axeite ás necesidades de lecer e culturais do seu departamento.
FRAN AMIL POPSÍA BANDA
Seis músicos en formato pop e rock, cun repertorio tirado dos dous grandes éxitos de Fran Amil: “A voz do vento” e “Popsía Vol. I”
Duración: 90 minutos
Espazos: mediano e/ou grande como auditorios, ao aire libre, etc.
Así contaron na páxina de Facebook de Normalización Concello da Coruña o día 26 de outubro de 2023 a nosa actuación do día 25 dese mesmo mes no Auditorio do Ágora da Coruña, diante dunha chea de alumnado de varios centros de secundaria da cidade herculina: “Onte a rapazada dos centros de secundaria recibiu unha sesión de Popsía da man de Fran Amil e da súa banda -e que banda!-. Estivemos bailando a Manuel María, Alfonso X, Mendinho, Rosalía, Antón Avilés de Taramancos… Lestes ben, bailando! Porque a Popsía, amigos e amigas, é para bailar!Grazas a Carlos Amil Serantes e a Fran Amil por este bailadeiro percorrido polas nosas letras.”
Aquí tedes unha interpretación da canción “San Martiño”, un poema de Antón Tovar que acada unha sensación diferente cada vez que a tocamos, segundo a inspiración dunha banda poderosa de extraodinarios músic@s.
https://www.youtube.com/watch?v=mqMe28z2lv4
POPSÍA CHARLA CONCERTO
Un percorrido histórico interre-lacionando poesía galega e música, dun xeito lúdico e didáctico, acompañado pola voz de Fran Amil e as bases programadas. Formato idóneo para institutos e colexios.
Duración: 60 minutos
Espazos: salóns de actos, audito-rios, bibliotecas, etc.
Unha actividade insólita e ateigada de literatura e música para abraiar ao alumnado de secundaria, na procura de coñecemento e diversión a partes iguais. Premendo neste enlace poderemos ver en detalle en que consiste esta poderosa ferramenta.