Letra: Amado Carballo
Adaptación da letra: Carlos e Fran Amil
Música: Fran e Carlos Amil
O pontevedrés Luís Amado Carballo é un dos principais poetas de comezos do século XX, e un dos que trouxo a modernidade á poesía galega. “Candeloria” é un canto que xunta campo e primavera na palma da man.
E ficou o día ancorado na ría donda do ceo, e o saxo sobe ao lonxe como rosarios de incenso. Richi desatado e Torroncho seguendo a súa pegada, lévannos da man a Paco e a min mesmo. Carlos di que cada vez que escoita esta canción estrea un luar na súa imaxinación.
Fran Amil: voz principal, coros, percusións e batería
Paco Cerdeira: guitarra eléctrica
Antón Fernández “Torroncho”: baixo
Ricardo Casás “Richi”: saxo tenor
Arturo Vaquero: percusións
Lembrade que podedes ler a letra ao tempo que escoitades a canción.
- CANDELORIA Fran Amil 3:16
| Na catedral do abrente | |
| hoxe casan os paxaros, | |
| con nubes de neve e ouro | |
| está o ceo galanado. | |
| Ficou o día ancorado | |
| na ría donda do ceo. | |
| Os roibéns soben no lonxe | |
| como rosarios de incenso. | |
| O xantar do casamento, | |
| roibo, na palma da man | |
| das eiras madrugadoras, | |
| xa está arranxado no val. | |
| Lai larai larai, larai lai larai larai lai lai | |
| lai larai larai… | |
| Candeloria. (x2) | |
| Vai tocando polo campo | |
| a sua zanfona o rego | |
| e canta o vento nas farpas | |
| sonoras dos piñeiros. | |
| O campo as montanas ruzas | |
| envolve en capa pluvial, | |
| co hisopo do sol mollado | |
| dalles a beizón nupcial. | |
| Do casebre nugallán | |
| soben os vivas dos galos | |
| e na festa desta noite | |
| estrena un luar o campo. | |
| Lai larai larai, larai lai larai larai lai lai | |
| lai larai larai… | |
| Candeloria. (x2) |
Se queres ver máis letras do disco “Popsía Vol. I” pincha AQUÍ.