Como vén sendo usual nos últimos anos, Fran Amil está inscrito na programación cultural da Rede Cultural da Deputación da Coruña. Neste 2025 temos dúas propostas cheas de Poesía, música e interese e diversión nunha proposta testada con grande acollida de público, nos últimos anos.

Recuncamos coa nosa ” Fran Amil Popsía Charla-Concerto” que xira en torno a algúns dos poetas e poemas que aparecen no traballo “Popsía Vol. I”, de Fran Amil. Tamén é un concerto de 60 minutos de duración aproximadamente, con Fran Amil cantando e tocando a guitarrra, acompañado con bases electrónicas e amplificado cun equipo de 1000W. Potencia abondo para sonorizar recintos pequenos e mesmo para concertos ao aire libre (prazas ou parques públicos). E tamén temos “Fran Amil dúo” con Fran Amil cantando, tocando a guitarra, pandeireta e percusión eléctrica; acompañado pola habelencia de Moncho do Orzán co acordeón. Este formato dúo é o que inauguramos no ano 2024 e que tantos concertos nos brindou durante o ano pasado.

Para facilitarvos a búsqueda, estes son os códigos dos nosos espectáculos, dentro do apartado ESCENA AO VIVO

836/14 MUSICOS AO VIVO,S.COOP.GALEGA – –

• PMR/12 Fran Amil – Fran Amil dúo – 2025000003492 – 650,00 150,00 800,00 MÚSICA

E, dentro do apartado LINGUA A ESCENA, temos a seguinte proposta:

836/14 MUSICOS AO VIVO,S.COOP.GALEGA

• LMU/2 Fran Amil – Fran Amil Popsía Charla-Concerto – 2025000003506 – 500, 00 – 0,00 – 500,00 MÚSICA

A charla-concerto Popsía de Fran Amil fai un repaso pola poesía galega dende o medievo ate os nosos días, de xeito ameno e inclúe mostras de cortes medievais, que poñen en contexto a primeira parte da actuación. Esta divídese en dúas partes, axilizando os contidos e o interese e atención do público. E poderemos escoitar, cantados, poemas de Rosalía de Castro, Mendiño, Antón Avilés de Taramancos, Luis Amado Carballo e de outros autores referenciais na literatura galega, na voz de Fran Amil.

Convidámosvos a asistir e gozar de Música e Poesía en calqueira dos dous formatos que ofrecemos.