Letra: Manuel María (do libro “Terra Chá”, 1954)

Música: Fran Amil

Manuel María canta no seu primeiro libro á súa terra e ás cousas sinxelas e cheas de vida, como esas poceiras de vida efímera. Pero grazas á forza e honestidade dos seus versos, as poceiras alongan a súa vida sempre que algunha orella esperta acolla o ritmo das palabras do poeta. Déixademe contribuír a esa escoita achegándolle un chisco de música, abeirado por unha banda marabillosa.

Fran Amil: voz principal e batería

M.J. Pérez: colaboración voz

Paco Cerdeira: guitarra eléctrica

Álex Bardanca: baixo

Aarón Bouzón: EWI 4000 e teclados

Lembrade que podedes ler a letra ao tempo que escoitades a canción.

¡Brilan ao sol as poceiras!
¡Xa pouco máis brilarán!
Hainas de cen mil maneiras
e están tiradas no chan.
A choiva fíxoas nacer
sobre o monte ou no camiño.
E fainas o sol morrer
despaciño, despaciño…
¡Poceiras! (x2)
E na terra están tiradas.
¡Viven nun barrizal!
¡E son por todos tripadas
e a ninguén fixeron mal!
¡Poceiras! (x3)

Se queres ver máis letras do disco “A voz do vento” pincha AQUÍ.