Letra: Leiras Pulpeiro

Adaptación da letra: Carlos e Fran Amil

Música: Fran e Carlos Amil

Manuel Leiras Pulpeiro, nacido en Mondoñedo (Lugo), é un dos compoñentes do Rexurdimento e publicou en 1911 o libro “Cantares gallegos”, onde recollía cantigas de tipo popular.

Nós fixemos un pequeno popurrí, xuntando algúns deses versos para dar forma a “Pena da roca”, que, obviamente, non existe como tal, nin sequera no título. Unha balada que reclama o mel doutro tempo, hoxe máis necesario ca nunca.

Fran Amil: voz principal, coros e batería

Paco Cerdeira: guitarra eléctrica

Antón Fernández “Torroncho”: baixo

Ricardo Casás “Richi”: saxo tenor

Fernando Román: gaita

Marta Oro Amón: violín e viola

Álex Salgueiro: teclados

Lembrade que podedes ler a letra ao tempo que escoitades a canción.

Dan cen voltas as formigas
para dar co mel na colmea;
pero dou máis eu buscando
o da boquiña das nenas.
¡Ai, quen me dera no souto
que hai xunto da miña casa!
¡Ai, quen me dera coas nenas
con quenes hai pouco brincaba!
Tal a miña pena era,
e tanto e tanto chorei
que a mesma Pena da roca
co pranto meu abrandei.
Quedéime como o ramallo
que deixan soio na fraga;
non teño quen me agarime
do sol do vento e da iauga.
Tal a miña pena era,
e tanto e tanto chorei
que a mesma Pena da roca
co pranto meu abrandei.

Se queres ver máis letras do disco “Popsía Vol. I” pincha AQUÍ.