Rosa das rosas

en

Letra: Afonso X O Sabio

Adaptación da letra: Carlos e Fran Amil

Música: Fran e Carlos Amil

Afonso X O Sabio proxéctase dende o século XIII ata os nosos días cunha obra cumio como é “Cantigas de Santa María”. Estas cantigas son unha das coleccións de canción monofónica máis importante da literatura medieval occidental. En música, monofonía ou monodia é a textura máis sinxela, e consiste nunha soa liña melódica sen acompañamento musical ningún.

Fran diante do castelo de Maceda (Ourense) no que se di que pasou a infancia Afonso X. Como o dato non está de todo confirmado, tampouco poñemos unha foto senón unha interpretación dunha foto que fixo Carlos Amil

Podedes botar un ollo a este interesante artigo, que nos amplía o coñecemento sobre esta marabilla literario-musical.

A nosa homenaxe adopta a forma fusionada entre os aires latinos e mesmo o rap na procura dun ritmo que faga bailar á xente. Loor.

Fran pousando no IES Afonso X O Sabio de A Barcala (Cambre, A Coruña)

Fran Amil: voz principal, coros, percusións e batería

Paco Cerdeira: guitarra eléctrica

Antón Fernández “Torroncho”: baixo

Francisco Rosa: tres cubano

Manu Payno: trompeta

Arturo Vaquero: percusións

Ángeles Dorrio e Carmen Rey:coros

Lembrade que podedes ler a letra ao tempo que escoitades a canción.

  1. ROSA DAS ROSAS Fran Amil 3:44

Embed

Copy and paste this code to your site to embed.

Esta é en loor de Santa María
como é fermosa e boa
e há gran poder…
Rosa das Rosas e Fror das Frores;
Dona das Donas, Señor das Señores.
Rosa de beldade e de parecer;
flor de alegría e de prazer.
Dona moi piadosa é
Ai, ai, ai, loor, ai, ai, ai
A tal señor devo moito amar
que de todo mal pode gardar (pode)
pode os pecados perdoar
que fan no mundo malos sabores
Rosa das Rosas, Fror das Frores;
Dona das Donas, Señor das Señores.
Esta dona que eu teño por señor
é da que quero ser trobador
se eu non podo haber o seu amor
dou ao demo os outros amores.
Rosa das Rosas, Fror das Frores;
Dona das Donas, Señor das Señores.
Esta é en loor de Santa María
como é fermosa e boa
e há gran poder;
Dona moi piadosa é
Rosa das Rosas, Fror das Frores
Dona das Donas, Señor das Señores.
Ai, ai, ai, loor, ai, ai, ai
Santa María, Santa María

Se queres ver máis letras do disco “Popsía Vol. I” pincha AQUÍ.